අඩු වියදමින් ලස්සන වෙන්න දේශීය රහස් රූපලායන්‍ය වට්ටෝරු

හැමෝම හිතන්නේ ලස්සන වෙන්න ගොඩක් සල්ලි වියදම් කරන්න ඕනේ කියලානේ. එත් එක වැරදියි. ලස්සන වෙන්න අවශ්‍ය දැනුවත්භාවය පමණයි. ස්වාභාවික දේවල්වලින් ගෙදරදීම ලස්සන වෙන්න පුළුවන් . වියදමකුත් නෑ. සමට අහිතකරත් නෑ. රසායනික දේ මිශ්‍ර වෙලත් නෑ. ලේසියෙන්ම ලස්සන වෙන්න පුළුවන්.

cleanser ගැන දන්නවා නේද ? සම ඇතුලටම පිරිසුදු කරන ස්වාභාවික cleanser එකක් හදන්නේ මෙහෙමයි.

පිපිඤ්ඤා යුෂ සමඟ කිරි ස්වල්පයක් මිශ්‍රකර සමේ තවරා පසුව සෝදා හරින්න. වියළි සමකට නම් මෙය ඉතාම යෝග්‍යයි.

අයිස් වතුර කෝප්ප 1/2 කට ලෙමන් යුෂ බිංදු 8-10 ක් කළවම්කර මුහුණේ ආලේපකර පසුව ඉවත් කරන්න. මෙය මුළු සිරුරටම වුවද සුදුසුවනවා. තෙල් සහිත සමකට මෙය භාවිත කරන්න පුළුවන්.

කිරි ස්වල්පයක් ගෙන එය හොඳින් ගසාගන්න. ඉන්පසු ඉතිරිවන යොදය ඉවත් කරන්න. වියළි සමට මෙම යොදය භාවිත කළ හැකියි. දියරමය කොටස තෙල් සහිත සමට භාවිත කරන්න මෙය ස්වාභාවිකවම සම සුදු කරයි.

කෝමාරිකා ජෙල් බ්ලෙන්ඩර්කර මී පැණි තේ හැඳි එකකට වතුර තේ හැඳි දෙකක්, දෙහි බිංදු දෙකක් කළවම්කර ගාන්න.

මේ අයුරින් ක්ලෙන්සර් කළ පසු අනිවාර්යයෙන් ටෝනර් කළ යුතුයි. අපි බලමු සමට සුදුසු ටෝනර් එකක් ස්වාභාවිකව සාදා ගන්නා ආකාරය.

පිපිඤ්ඤා ඉස්ම, අයිස් වතුර සමගඟහෝ රෝස වතුර සමගඟ මිශ්‍රකර ගන්න.

අපේ මැරුණු සම ඉවත් කිරීමට ස්ක්‍රබ් කළ යුතුයි. වියළි සමක් ඇති අයෙක් නම් සති දෙකකට වරක් ස්ක්‍රබ් කළයුතු අතර සාමාන්‍ය හෝ තෙල් සහිත සමක් ඇති පුද්ගලයෙක් නම් සතියකට වරක් ස්ක්‍රබ් කිරීම ප්‍රමාණවත්.

ස්වාභාවික ස්ක්‍රබ් එකක් සාදා ගන්නේ මෙහෙමයි

රතුහාල් පිටි මේස හැඳි 3 ක්
උළුඳු පිටි මේස හැඳි 3 ක්
කස්තුරි කහ කුඩු තේ හැඳි 1 ක්
එළකිරි

මේ සියල්ල හොඳින් මිශ්‍රකර මුහුණේ උඩු අතට ආලේපකර විනාඩි 10 ක් පමණ තබා සීතල වතුරෙන් සම තෙත්කර උඩු අතට පිරිමැද හොඳින් ස්ක්‍රබ්කර තෙත පුළුන්වලින් ඉවත් කරන්න. මුළු ශරීරයම ස්ක්‍රබ් කළ හැකියි.

සාමාන්‍ය සමකට නම්

ඉදුණු අලිගැට පේර
කස්තුරි කහ
කොකුම් පොතු
වෙනිවැල්ගැට

මේ සියල්ල රෝස වතුරෙන් මිශ්‍රකර මුහුණේ ආලේපකර විනාඩි 20 කින් පිරිසුදු ඇල්දියෙන් සෝදා ඉවත් කරන්න.

වියළි සමකට නම්

අලිගැටපේර
බිත්තර කහමදය
යෝගට්
මීපැණි මිශ්‍රකර ගන්න.

තෙල් සහිත සමකට නම්

කඩල පිටි හෝ මුං පිටි
මීපැණි
දෙහි යුෂ
යෝගට්

මිශ්‍රකර ස්ක්‍රබ් එක ලෙස භාවිත කරන්න.

සමස්තයක් වශයෙන් මුහුණ පැහැපත් වීමට සකසාගත හැකි ආලේපනයක් මේ.

මුංඇට හෝ කඩල පිටි තේ හැඳි එක බැගින් ගෙන මිශ්‍රකර තවරා විනාඩි 20 ක් තබා මඳ උණුසුම් වතුරෙන් සෝදා හරින්න. මේ සියලු දේවල් මුහුණට සත්කාර වශයෙන් සකසා ගැනීමේදී යොදා ගන්නා අමුද්‍රව්‍යයන් හා භාජන හැකිතාක් පිරිසුදුව භාවිත කිරීමට සැලකිලිමත්වන්න.

ඔබ මෙම ආලේපන භාවිත කරමින් නිරතුරුවම සම පැහැපත්කර ගන්නට සම රැක ගන්නට උත්සාහ කරනවා නම් එහි ප්‍රතිඵල ඔබට අත්විඳින්නට ලැබේවි. සැබෑම ලස්සන රුවකට ස්වාභාවික ආලේපන තරම් හිතකර වෙනත් කිසිදු ආලේපනයක් නොවේ.